Heinrich Bünting

Si Heinrich Bünting (1545 – 30 de diciembre de 1606) fue un aleman protestante pastor y teologo, mejor conocio por el de suyo libro de maga mapa de xilografia, titulao Itinerarium Sacrae Scripturae (Libro de maga viaje por el Sagrao Escritura), primer publicao na 1581.

Vida[revisa | revisa codigo]

Ya nace si Bünting na Hannover, Alemania, na 1545. Ya estudia ele con el teologia al Universidad Martin Lutero de Halle-Wittenberg, graduando na 1569, y ya queda un protestante pastor na Lemgo. Dimitio ele na 1575 y ya muda a Gronau (Plantilla:Lang-de). Na 1591 apuntao ele superintendente na Goslar. Debio a un disputa sobre el maga enseñanza, dimitio ele de nuevo na 1600 y ya jubila del ministerio. Ya paso con el resto del de suyo vida como un privado ciudadano na Hannover, y ya mori ele el 30 de diciembre de 1606.

Itinerarium Sacrae Scripturae[revisa | revisa codigo]

El de suyo coleccion de maga mapa de xilografia, el Itinerarium Sacrae Scripturae, primer publicao na Magdeburgo na 1581, fue un muy popular libro na aquel entonces. Reimpreso y traducido este libro cuanto vez. Ya proporciona el libro con el mas completo resumen de biblico geografia disponible y ya describi con el Santo Tierra siguiendo con el maga viaje de cuanto notable persona del Antiguo y Nuevo Testamento. Ademas de maga convencional mapa, tambien ya contene el libro con tres maga figurativo mapa: (1) el mapa de trebol de si Bünting, que baka ya representa con el Santisimo Trinidad con Jerusalén na el centro, (2) Europa na forma de mujer coronao y vestio y (3) Asia como el alao caballo Pegaso.